Museo Fundación Liste

NOVA AUDICIÓN DIDÁCTICA NO MUSEO LISTE: SÁBADO 23 AGOSTO, “XALGARETE”

Dpto. de Protocolo — Wed, 20 Aug 2008 08:41:30 +0000

O Museo Liste presenta unha nova actuación no marco do seu tradicional ciclo de audicións estivais, nesta ocasión, conta coa presenza de “Xalgarete”; agrupación folclórica con máis de 20 anos de antigüedade adicada a recuperación, conservación e difusión do folclore galego, tanto no que se refire a danza, música, roupa e as diferentes manifestacións culturais ou relixiosas da sociedade galega tradicional.

A actividade terá lugar o sábado 23 de agosto as 12:30 na finca circundante ao Museo na Rúa Pastora nº 22, e é de balde.

Agardamosvos!.

INAUGURACIÓN NOVA EXPOSICIÓN NO MUSEO LISTE

Dpto. de Protocolo — Fri, 01 Aug 2008 10:20:35 +0000

O sábado 2 de agosto ás 13 horas inaugurase unha nova exposición temporal no Museo que leva por título “Máscara e Ritual”.

Audicións Didácticas Xullo 2008:CLAVE DE FOL 19 de Xullo

Dpto. de Protocolo — Tue, 15 Jul 2008 07:45:22 +0000

Tra-lo grande éxito da primeira audición do pasado 5 de Xullo protagonizada polas pandereteiras e o grupo de baile da A.C. Tangaraño. O Museo Liste ofrece unha nova actuación neste caso a cargo do grupo “Clave de Fol”. A cita e o 19 de Xullo as 12:30 horas na finca circundante ao Museo.

Agardamo-la vosa presenza

O Museo volveu ser distinguido co distintivo “Compromiso de Calidad Turística”

Dpto. de Protocolo — Tue, 15 Jul 2008 07:39:58 +0000

Neste 2008 o Museo Liste volveu recibi-la distinción “Compromiso de Calidad Turística” otorgado por el O.A.L Turismo Rías Baixas. Por segundo ano consecutivo volvemos a destacar por cumpri-los estándares de calidade turística no destino Rías Baixas-Provincia de Pontevedra. Este distintivo é froito do noso esforzo por seguir mellorando e convertirnos nun referente do turismo cultural en Galicia.

“O vestido de onte”, nova publicación do Museo

Dpto. de Protocolo — Fri, 11 Jul 2008 10:19:21 +0000

O pasado sábado día 5 de Xullo tivo lugar a presentación de “O vestido de onte”, quinto volume da colección “Os saberes do Museo”. Esta monografía feita en colaboración con a Asociación Cultural Tangaraño está adicada ao vestir dos nosos antergos, ocupándonos tanto do traxe tradicional como das modas fóraneas que estiveron presentes na Galicia dos últimos douscentos anos. Os textos elaborado por Margarita Vázquez Corbal (Museo Liste), Kari Cabezas, Manuel Chorén, Pilar Fariña e Silvia Domínguez (A.C. Tangaraño) fan un percorrido polas distintas variantes do vestir dos nosos devanceiros incluindo descripcións tanto dos tecidos coma das prendas e complementos. Algúns dos temas tratados son: a roupa de cotío, o traxe de gala, a vestimenta infantil e a moda das clases burguesas,… Nesta publicación abundan tamén os testemuños gráficos procedentes de diferentes fondos tales como os dos arquivos fotográficos da A.C. Tangaraño, do Museo Liste e do Arquivo Municipal da Imaxe do Concello de O Porriño, neste punto debemos tamén agradecer a colaboración de D. Santiago Signo, que aportou diversas imaxes do seu arquivo particular. A publicación dado o contido didáctico da colección a que pertence, contén tamén un apartado de actividades orientadas a diferentes niveis de ensino.

COMEZO DAS AUDICIÓNS DIDÁCTICAS 2008

Dpto. de Protocolo — Fri, 04 Jul 2008 11:01:07 +0000

Como ven sendo tradicional nestas datas o Museo Liste ofrece un programa de audicións musicais didácticas durante os meses de Xullo e Agosto.

Comezamos este sábado día 5 de Xullo coa A.C. Tangaraño que nos ofrecerá unha mostra do seu bo facer no eido da recuperación da cultura popular galega a través do vestiario a as danzas tradicionais.

A A.C. Tangaraño naceu en Mos, un martes, 13 de xuño de 1999, cando un grupo de mozos e mozas procedentes de diferentes agrupacións decidiron pór en marcha o seu proxecto no ámbito da cultura tradicional. Esta non é a súa primeira colaboración co Museo xa que en 2005 participaron na mostra “O HUMILDE DO NECESARIO” e varios dos seus membros son coautores da publicación do Museo Liste “O VESTIDO DE ONTE”, que aproveitaremos para presentar o mesmo día da súa actuación.

PECHE POR REFORMAS: OS DÍAS 23 E 24 DE MAIO O MUSEO PERMANECERÁ PECHADO POR REFORMAS

Dpto. de Protocolo — Fri, 23 May 2008 10:55:58 +0000

Debido as reformas no interior do museo que se realizarán durante o venres día 23 pola tarde e o sábado 24 este permanecerá pechado.

Desculpen as molestias.

“Los museos, agentes del cambio social y el desarrollo” (LEMA DO DÍA INTERNACIONAL DOS MUSEOS 2008)

Dpto. de Protocolo — Sat, 10 May 2008 09:11:17 +0000

O Día Internacional do Museo celébrase en todo o mundo o 18 de maio desde que, en 1977, o Consello Internacional de Museos (International Council of Museums, ICOM), propuxese esta actividade na súa XII Asemblea Xeral celebrada en Moscú.

O obxectivo do día nesta ocasión é achega-los museos á sociedade e ó público en xeral, en resposta a un concepto de museo como institución cultural e histórica ó servizo da sociedade e do seu desenvolvemento.

LETRAS GALEGAS 2008: Xosé María Alvárez Blázquez

Dpto. de Protocolo — Sat, 10 May 2008 09:10:20 +0000

Biografía:

O 4 de Febreiro de 1915 nace en Tui (Pontevedra). Foi unha das figuras máis laboriosas da cultura galega, con unha gran actividade que chega dende a literatura (novela, poesía, teatro) ata a investigación coma arqueólogo e a súa tarefa coma editor e tamén como militante galeguista.Morreu en Vigo en 1985.

É un dos representantes da poesía neotrobadoresca, vangarda poética xurdida ao redor de 1930 debida á difusión en Galiza da lírica medieval galego-portuguesa .

En 1950 fundou con Luís Viñas Cortegoso a Editorial Monterrey. En 1962 ingresa na Real Academia Galega. Funda, xunto aos seus irmáns Álvaro e Emilio Edicións Castrelos en 1964.
En 1967 é premio Noriega Varela. En 1968 é premio das Letras da deputación Provincial de A Coruña. En 1971 é premio Cidade de Vigo. Foi cronista oficial da cidade de Vigo.

Dedicou atención ao estudo da Arqueoloxía, que tivo como resultados os descubrimentos de laudas sepulcrais da época romana en Vigo, das industrias paleolíticas do Baixo Miño e das Gándaras de Budiño, de restos dunha instalación romana de obtención de aceite de oliva en Teis (Pontevedra), unha cisterna con enxoval funerario da época do bronce en Atios (Pontevedra), etc.

As súas obras máis destacadas:

* Abril: (Poesía: 1929-1932)
* Alexandre Bóveda
* Una cabaña en el cielo
* Canle Segredo
* Cantares e romances vellos prosificados (Discurso)
* El crimen de la isla verde
* Enchen as augas
* En el pueblo hay caras nuevas
* Escolma da poesía medieval(1198-1354)
* Las estatuas no hablan
* El libro del por qué
* Martín Códax, cantor del mar de Vigo
* Poemas de ti e de min
* Romance do pescador peleriño
* Roseira do teu mencer
* Sonetos del alba insomne
* A pega rabilonga e outras historias de tesouros
* Vigo arqueológico

CONMEMORACIÓN DO “DÍA DAS LETRAS GALEGAS” E “DÍA INTERNACIONAL DOS MUSEOS” NO MUSEO LISTE

Dpto. de Protocolo — Sat, 10 May 2008 09:09:10 +0000

Como ven sendo tradicional por esta época o Museo adica unha semana a conmemorar estas sobranceiras datas.

Dende o día 13 ata o día 18 o acceso ó Museo será de carácter gratuito. Nestes días os visitantes desfrutarán de visitas guiadas, poderán ve-lo noso “Maio” e para os máis pequenos haberá xogos, enredos e actividades en relación coa figura de X.M. Alvárez Blázquez. Non nos olvidamos tampouco dos visitantes adultos que recibirán un agasallo relacionado con estas datas.

Agardamos a vosa visita.