O día 25 de xuño, o Museo Liste recibiu a visita dos rapaces que participan nos cursos de verán impartidos no Colexio Santiago Apóstol da ONCE en Pontevedra.
A visita contou coa guía especial do director do Museo, don Olimpio Liste, experto en ensinanza para cegos. Nesta guía exclusiva, os fondos do Museo foron accesibles aos participantes.
O martes 23 de xuño, celebraremos no Museo Liste a Noite de San Xoán. Recolleremos a ritualidade desta data baseada nos elementos naturais: auga e lume, e a tradición das herbas que se recollen esa noite.
Unha noite máxica na que non poden faltar os seres fantásticos , que actuarán como fío condutor.
As celebracións terán lugar na finca que circunda o Museo, entre as 19 h. e as 21 h. onde tamén se amosarán mitos asociados a outras culturas.
A festa rematará cunha solemne queimada oficiada polo mestre queimador Mariano, “Caballero de la Orden Serenísima de la Alquitara”.
Colabora: Asociación Xuvenil IPPON
NOTA: Marcos Mariano Ábalo é o autor do “Conxuro da Queimada”, así como artista autodiacta destacando como tallista, deseñador de escudos heráldicos e debuxos humorísticos.
Durante o mes de MAIO , conmemorando o décimo aniversario do MUSEO, as visitas SON GRATUÍTAS
Nova exposición temporal que permanecerá ata o vindeiro mes de outubro. A exposición oriéntase á caza mediante o trampeo como complemento da dieta, así como á defensa de pequenos e grandes animais para protexer as colleitas e o gando.
Lousas, ligas, redes, lazos, cepos, estruturas trampa, gaiolas… son antigos trebellos que aquí se amosan, produto do gran coñecemento que o home tiña do medio que o rodeaba, froito da súa constante observación e aprendizaxe da propia natureza.
O sábado 21 de marzo , ás 12 horas, no Castelo de Sobroso en Mondariz, fíxose entrega do II Premio “Cumbres do Suído”, á Fundación e Museos Liste, na persoa do seu presidente e fundador Olimpio Liste Regueiro, como recompensa ó labor de recuperación do patrimonio histórico-etnográfico de Galicia, levado a cabo durante máis de corenta anos.
Mostra de máscaras rituais galegas que encerran unha compoñente máxica e ancestral, vencelladas a cultos pagáns e portadoras do poder de transformación.
Ata o 30 de Novembro.
Como cada outono, no comezo do curso escolar desenvolvemos novas actividades didácticas vencelladas aos quefaceres domésticos tradicionais dirixidas ao público escolar que visita o Museo.Éstas desenvolveranse ao rematar o percorrido polas salas da exposición permanente durante todo o trimestre.
-”A vendima: unha tarefa de axuda mutua”.
-”Os fiadeiros: lugares de encontro”.
-”Sons da percusión tradicional” (Proxecto Espallar-en colaboración coa A.C. Tangaraño-.
Os grupos escolares interesados poden face-las reservas no número 986244698 (Gemma-Departamento de Didáctica-) o na dirección de correo electrónico didactica@museoliste.org.
Neste 2008 o Museo Liste volveu recibi-la distinción “Compromiso de Calidad Turística” otorgado por el O.A.L Turismo Rías Baixas. Por segundo ano consecutivo volvemos a destacar por cumpri-los estándares de calidade turística no destino Rías Baixas-Provincia de Pontevedra. Este distintivo é froito do noso esforzo por seguir mellorando e convertirnos nun referente do turismo cultural en Galicia.
